ಮ್ವಾರೇ ಪುಸ್ಕ ಮ್ವಾರೇ ಪುಸ್ಕ
ಪೆನ್ನು ಬಳ್ಪಾ ಎಲ್ಲಾ ಕೈ ಚಳ್ಕಾ
ಫೋನೇ ಸ್ಲೇಟು ನೀನೇ ಥೇಟು
ಬರ್ಕೊಳ್ರಪ್ಪ ನಿಮ್ನಿಮ್ದೇ ಗಿಲೀಟು !
ಒತ್ತಾರೆಗೆದ್ದ ಅಲ್ವಲ್ಲ ಬುದ್ಧ
ಕೈಗ್ಹಿಡ್ಕೊಂಡೋನೆ ಅಲ್ಲೆ ಆಡ್ಬಿದ್ದ
ಸರಿ ಒತ್ತಿದ್ದೇನು ಬಿಟ್ಟಿದ್ದೇನು ?
ಮನ್ಸಿಗ್ಬಂದಂಗೇ ಅಲ್ಲೆ ಕಾನೂನು ..!
ಮ್ವಾರೇ ತೊಳ್ಯೋದಾಮೇಲಿರ್ಲಿ
ಲೈಕಾಮೆಂಟು ಬಿದ್ದೈತೇನಲ್ಲಿ
ಎದ್ದೆ ಬಿದ್ದೆ ಕುಡ್ದು ಉಚ್ಛೆಮಾಡ್ದೆ
ಅಂತೆಲ್ಲ ಬರ್ಕೊ ಹಾಸ್ಗೆನೆ ಬಿಡ್ದೆ..!
ಮ್ವಾರೇಪಟ ಒಂದ ಹಾಕಪ್ಪ ದಿಟ
ಸ್ಟೈಲ್ ಕೂಲು ಇರ್ಲಪ್ಪಾ ಹಾಳ್ಚಟ
ಕಾಣ್ಬಾರ್ದು ದರ್ದು ಹುಳ್ಕು ಪಳ್ಕು
ಕಂಡಿದ್ದೆ ಸತ್ಯ ನೋಡಂಗೆ ಮುಚ್ಚಾಕು !
ನಮ್ನಮ್ಮ ತೆವ್ಲು ಉರಿ ಒಳ್ಗಿನ್ ಬೆಂಕಿ
ತೆಕ್ಕೊಳಕೊಂದು ದಾರಿ ಅವಳಾಕಿ
ಹುಸಾರಪ್ಪೊ ಸುಮ್ಸುಮ್ಕೆ ಬಾಯ್ಬುಡ್ಬೇಡ ಎಲ್ಲ
ಏನ್ ಬಿಟ್ರೆ ಏನ್ ಕ್ವಾಟ್ಲೆ ಯಾರ್ಗು ಗೊತ್ತಿಲ್ಲ !
