ಎಲ್ಲಾ ಕನಸುಗಳು ಸ್ತಬ್ಧ
ಎಲ್ಲಾ ಆಸೆಗಳೂ ನಿಶ್ಯಬ್ದ
ಮನಸೊಂತರ ಪ್ರಾರಬ್ಧ
ನಿಮಿಷಕ್ಕೊಮ್ಮೆ ಚಂಚಲತೆಯ ಶಬ್ದ
ನನ್ನಲ್ಲಿ ಈಗ…
ಶೂನ್ಯತೆಯ ಅನಾವರಣ
ನಿನ್ನ ನೆನಪುಗಳ ನಿರ್ವಾಣ
ನೀನೋಂತರ ನಿಧಾನಗತಿಯ ಪಾಷಾಣ
ಆವರಿಸಿದೆ ನನ್ನದೇ ಪರ್ಯಾವರಣ
ನನ್ನಲ್ಲಿ ಈಗ..
ಮುನಿಸಷ್ಟೇ ಅಲ್ಲ ಕಾರಣ ಯಾರಿಗೆ ಗೊತ್ತು?
ಗೊಂದಲಗಳು ನಿನ್ನನುಪಸ್ಥಿತಿಯ ಹೊತ್ತು
ಮತ್ತೊಂದಿರಬಹುದು ನಿನ್ನ ಮನದ ಸ್ವತ್ತು
ಮಗದೊಂದು ನಿನ್ನ ಮನಶ್ಚಂಚಲದ ಆಪತ್ತು
ನನ್ನಲ್ಲಿ ಈಗ
ಕಾಣುತಿದೆ ಭವಿಷ್ಯದ ಸುಂದರ ನಗು
ಮತ್ತೊಮ್ಮೆ ನೀನೂ ಭಾಗಿಯಾಗು
ಬಿಡಿಸಲಾಗದು ಬಂಧ..ಇದು ಸುಳ್ಳೆ ಸೋಗು
ಸಾಗುಹಾಕದಿರೆ ಉಳಿದೆಲ್ಲ,ಅಳಿವಿದೆ ಪ್ರೀತಿಗೂ
ನನ್ನಲ್ಲಿ ಈಗ ನಿನ್ನಾಗಮದ ನಿರೀಕ್ಷೆ
ಬಂಧಿಸುವ ಇರಾದೆಯಲಿ ಹೃದಯದ ಕಕ್ಷೆ
ನಿನ್ನೊಂದಿನ ಹೊಸಬದುಕಿನ ನೀಲಿನಕ್ಷೆ
ಶೂನ್ಯತೆಯಿಂದ ಪರಿಪೂರ್ಣದ ಅಪೇಕ್ಷೆ
