ಇಂಕು ಮುಗಿದಿದೆ

ಸಮಾಜ ತಿದ್ದಲು ಬಂದವರ

ಲೇಖನಿಯ ಇಂಕು ಖಾಲಿಯಾಗುತಿದೆ,

ಚಾಟಿಂಗು ಡೇಟಿಂಗುಗಳ ಸೆಲೆಯಲ್ಲಿ

ಯುವಕರ ಗಡಿಯಾರದ ಮುಳ್ಳು ಸ್ತಬ್ದವಾಗಿದೆ,

ಬಾರು ಬೀರಿನ ನಿಶೆಯ ನಶೆಯಲ್ಲಿ

ದ್ವಜದ ತಿರಂಗ ತಿರುಗು ಮುರುಗಾಗಿದೆ,

ನಿಂತು ಸೇದಿದ ಸಿಗರೇಟ್

ಕುಂತು ಸೇದಿದ ಹುಕ್ಕದ ಹೊಗೆಯು

ನಾಲ್ಕು ಸಿಂಹಗಳ ಕಣ್ಣು ಮುಸುಕಿದೆ,

ಪಿಜಾ ಬರ್ಗರ್ ತಿಂದ ಹೊಟ್ಟೆಗೆ

ಭರತ ನೆಲವು ಮಾಯವಾದಂತನಿಸಿದೆ,

ಪೆಪ್ಸಿ ಕೋಲಗಳ ಘಾಟು

ಈ ಮಣ್ಣ ಗಂಧವನು ಮರೆಸುತಿದೆ,

ಕಾವಿಯ ಕಳ್ಳಾಟಕದಿ

ಧರ್ಮ ದೀಪವು ನಂದುತಿದೆ,

ಖಾದಿಗೆ ತೇಪೆ ಹಚ್ಚಲು

ತಿದ್ದುಪಡಿಯೆ ಸೂಜಿ-ದಾರವಾಗಿದೆ,

ರಾಜಕಾರಣದಿ ಜಾತಿ

ಹಾರದೊಳಗಿನ ದಾರವಾಗಿದೆ,

ಶೋಷಣೆಯ ಘೋಷಣೆ ಗಳ ಕೇಳಿ

ನ್ಯಾಯದೇವಿಯ ಕಣ್ಪಟ್ಟಿ ಒದ್ದೆಯಾಗಿದೆ,

ತಿದ್ದಲು ಹೊರಟ ಲೇಖನಿಯೂs ಧನವ ಭಯಸಿದೆ

ಭ್ರಷ್ಟ ಕತ್ತಲ ಬೀದಿಯಲಿ ಬೆತ್ತಲಾಗಿದೆ,

ಕಡೆಗೂ ಇಂಕು ಮುಗಿದಿದೆ.!!

Facebook ಕಾಮೆಂಟ್ಸ್

Guest Author: Joining hands in the journey of Readoo.in, the guest authors will render you stories on anything under the sun.

ಗೆದ್ದಲು
ಚಿಗುರುವುದನ್ನೇ ಮರೆತ ಬೋಳುಮರ ಹೂವು ಹಣ್ಣು ತಳೆದು ಹಕ್ಕಿಗಳ ಹೊಟ್ಟೆ ತಣಿಸಿ ಎಷ್ಟು ಯುಗವಾಯ್ತು ಕಾದಿರುವೆ ಹಗಲಿರುಳು ಬೇರುಗಳ ನೆನೆಸಿ…
ಅದೊಂದು ದಿನ
ಅದೊಂದು ದಿನ- ಅಂದೂ ತೊಳೆದಿಟ್ಟ ಹಾಗೆ ಆಕಾಶ ಅಥವಾ ಅಲ್ಲಿ ಇಲ್ಲಿ ಒಂದೆರಡು ಖಬರುಗೇಡಿ ಮೋಡ ಸುಮ್ಮನೆ ರೆಕ್ಕೆಯೂ ಅಲುಗದೆ…
ನಡೆ ನೀನು‌ ನಡೆ!
ಭಾವ ಬಂಧನದ ಮೇರೆ ಮೀರಿ, ನೂರಾರು ಕನಸುಗಳ ಕೋಟೆ ದಾಟಿ, ಹೊರಟಿದೆ‌‌ ಪಯಣ, ಗಮ್ಯದ ಕಡೆ ಗಮನ! ಅಂತ್ಯವ…