ಗೆದ್ದಲು

ಚಿಗುರುವುದನ್ನೇ ಮರೆತ

ಬೋಳುಮರ

ಹೂವು ಹಣ್ಣು ತಳೆದು

ಹಕ್ಕಿಗಳ ಹೊಟ್ಟೆ ತಣಿಸಿ

ಎಷ್ಟು ಯುಗವಾಯ್ತು

ಕಾದಿರುವೆ ಹಗಲಿರುಳು

ಬೇರುಗಳ ನೆನೆಸಿ ಜೀವ

-ವೂಡುವ ಹೊಸ ಮಳೆಗೆ

ಮೋಡಗಳ ಸುಳಿವೂ ಇಲ್ಲ

ಬಿರುಬಿಸಿಲು…

ಕಾದ ಮೊಳೆ ಕಿರಣಗಳ ಮೈಗೆಲ್ಲ

ಬಡಿವ ಕ್ರೂರಿ ಸೂರ್ಯ

ಒಳಗೋ-

ಗೆದ್ದಲು ಹಿಡಿದು ಪೂರಾ ಪೊಳ್ಳು

ತೋರಿಕೆಗೆ ಆಕಾರವಷ್ಟೇ ಉಳಿದು

ನನಗೆ ನಾನೇ ಹುಸಿ

ಚಿಗುರುವುದು ಹೇಗೆ

ನೆತ್ತಿಯಲ್ಲಿ ಹೂ ಅರಳೀತು ಹೇಗೆ

ಹುಸಿಹೋದ ಬೀಜದಿಂದ

ಹೂವರಳಿ ನಗುವುದು

ಹೇಗೆ… ಹೇಗೆ

• ಡಾ. ಗೋವಿಂದ ಹೆಗಡೆ

Facebook ಕಾಮೆಂಟ್ಸ್

Guest Author: Joining hands in the journey of Readoo.in, the guest authors will render you stories on anything under the sun.

ಅದೊಂದು ದಿನ
ಅದೊಂದು ದಿನ- ಅಂದೂ ತೊಳೆದಿಟ್ಟ ಹಾಗೆ ಆಕಾಶ ಅಥವಾ ಅಲ್ಲಿ ಇಲ್ಲಿ ಒಂದೆರಡು ಖಬರುಗೇಡಿ ಮೋಡ ಸುಮ್ಮನೆ ರೆಕ್ಕೆಯೂ ಅಲುಗದೆ…
ನಡೆ ನೀನು‌ ನಡೆ!
ಭಾವ ಬಂಧನದ ಮೇರೆ ಮೀರಿ, ನೂರಾರು ಕನಸುಗಳ ಕೋಟೆ ದಾಟಿ, ಹೊರಟಿದೆ‌‌ ಪಯಣ, ಗಮ್ಯದ ಕಡೆ ಗಮನ! ಅಂತ್ಯವ…