ಸುಬ್ಬಂಣನ ತ್ರಿಪದಿಗಳು

೧.ಭಿನ್ನ ಅಭಿರುಚಿಯ ಪತಿ|ತನ್ನತನವಿರದ ಸತಿ
ಸನ್ನಡತೆಯಿರದವರ ಸಹವಾಸದಲಿ ಶಾಂತಿ
ಶೂನ್ಯ ಕಾಣಯ್ಯ ಸುಬ್ಬಂಣ

೨.ತ್ಯಾಗವಿಲ್ಲದ ಯಾಗ|ರಾಗವಿಲ್ಲದ ಭೋಗ
ಮೇಘವಿರದಾಷಾಢದಾಕಾಶದಿಂದ
ಉಪಯೋಗವಿಲ್ಲೆಂದ ಸುಬ್ಬಂಣ

೩.ಬಂಗಾರ ಕಂಡಾಗ | ಅಂಗನೆಯು ತಾನೊಲಿಗು
ಸಿಂಗರದಿ ನಲಿಗು ಬಲು ತೆರದಿ ಪತಿ ಬಡವನಿರೆ
ಹಂಗಿಸುವಳೆಂದ ಸುಬ್ಬಂಣ

೪.ಕವಿಯ ಬಾಳಿನ ಬಗೆಯ |ಸವಿಯೆಂದು ತಿಳಿಯದಿರು
ಸವಿಯ ಪರರಿಂಗುಣಿಸಿ ಕಹಿಯ ತಾನನುದಿನವು
ಸವಿಯುವನು ಕವಿಯು ಸುಬ್ಬಂಣ

೫.ಕಳ್ಳು ಕುಡಿಯುವ ಜನರ| ಸುಳ್ಳನ್ನು ನುಡಿವವರ
ಕಳ್ಳತನ ಮಾಡುವರ ಸಂಗವದು ಮಾನಕ್ಕೆ
ಮುಳ್ಳಿನಂತಿಕ್ಕು ಸುಬ್ಬಂಣ

Facebook ಕಾಮೆಂಟ್ಸ್

Guest Author: Joining hands in the journey of Readoo.in, the guest authors will render you stories on anything under the sun.

ಗೆದ್ದಲು
ಚಿಗುರುವುದನ್ನೇ ಮರೆತ ಬೋಳುಮರ ಹೂವು ಹಣ್ಣು ತಳೆದು ಹಕ್ಕಿಗಳ ಹೊಟ್ಟೆ ತಣಿಸಿ ಎಷ್ಟು ಯುಗವಾಯ್ತು ಕಾದಿರುವೆ ಹಗಲಿರುಳು ಬೇರುಗಳ ನೆನೆಸಿ…
ಅದೊಂದು ದಿನ
ಅದೊಂದು ದಿನ- ಅಂದೂ ತೊಳೆದಿಟ್ಟ ಹಾಗೆ ಆಕಾಶ ಅಥವಾ ಅಲ್ಲಿ ಇಲ್ಲಿ ಒಂದೆರಡು ಖಬರುಗೇಡಿ ಮೋಡ ಸುಮ್ಮನೆ ರೆಕ್ಕೆಯೂ ಅಲುಗದೆ…
ನಡೆ ನೀನು‌ ನಡೆ!
ಭಾವ ಬಂಧನದ ಮೇರೆ ಮೀರಿ, ನೂರಾರು ಕನಸುಗಳ ಕೋಟೆ ದಾಟಿ, ಹೊರಟಿದೆ‌‌ ಪಯಣ, ಗಮ್ಯದ ಕಡೆ ಗಮನ! ಅಂತ್ಯವ…