ಹನಿಗವನಗಳು

ಎಲ್ಲ ಕಾಲಕ್ಕೂ

ನೋಡುತ್ತಾರೆ ಪಂಚಾಂಗದಲ್ಲಿ
ರಾಹು ಕಾಲ ,ಗುಳಿಕ ಕಾಲ
ಈಗೀಗ ಎಲ್ಲರೂ ತಪ್ಪದೆ
ನೋಡಲೇಬೇಕು
(ತಮ್ಮ ) ಅಂಗಾಂಗಗಳಿಗೆ
“ಗುಳಿಗೆ ” ಕಾಲ !

ಲಂಚಾಯಣ

ಅವನು ನೌಕರಿ
ಸೇರಿದ ಹೊಸತು
ತಲೆತುಂಬ ಕೂದಲು
ಬಾಚಿಕೊಂಡ ;
ಕಾಲಕ್ರಮೇಣ
ಕೈ ತುಂಬಾ
ಬಾಚಿಕೊಂಡ !

ಇಲ್ಲಿ ತನಕ

ನನ್ನ ಹಿಡಿತಕ್ಕೂ ಸಿಗದೆ
ಹಿಂದುರುಗಿಯೂ ನೋಡದೆ
ಏರುತ್ತಲೆ ಹೋಯಿತು
ಇಲ್ಲಿ ತನಕ …
ಇಳಿಸಬೇಕೆಂದರೂ ಇಳಿಯದ
ನನ್ನ ತೂಕ !

ಕ್ಷೀರಾಭಿಷೇಕ

ಗುಡಿಯಲ್ಲಿ ನಿತ್ಯವೂ
ದೇವರಿಗೆ ಕ್ಷೀರಾಭಿಷೇಕ
ನಮ್ಮ ಮನೆಯಲ್ಲಿ
ಒಲೆಗೇ ಕ್ಷೀರಾಭಿಷೇಕ !

ಪ್ರೀತಿಗಾಗಿ

ಪ್ರಿಯೆ ! ನಿನ್ನ ಪ್ರೀತಿಗಾಗಿ
ಹೇಳು ಏನು ಮಾಡಲಿ ?
ಇಗೋ ಈ ಸಾಗರದಲ್ಲಿ
ಮುಳುಗಲೂ ನಾ ರೆಡಿ
ಅದರೇನು ಮಾಡಲಿ
ನನಗೀಗ ನೆಗಡಿ !

Facebook ಕಾಮೆಂಟ್ಸ್

Guest Author: Joining hands in the journey of Readoo.in, the guest authors will render you stories on anything under the sun.

ಗೆದ್ದಲು
ಚಿಗುರುವುದನ್ನೇ ಮರೆತ ಬೋಳುಮರ ಹೂವು ಹಣ್ಣು ತಳೆದು ಹಕ್ಕಿಗಳ ಹೊಟ್ಟೆ ತಣಿಸಿ ಎಷ್ಟು ಯುಗವಾಯ್ತು ಕಾದಿರುವೆ ಹಗಲಿರುಳು ಬೇರುಗಳ ನೆನೆಸಿ…
ಅದೊಂದು ದಿನ
ಅದೊಂದು ದಿನ- ಅಂದೂ ತೊಳೆದಿಟ್ಟ ಹಾಗೆ ಆಕಾಶ ಅಥವಾ ಅಲ್ಲಿ ಇಲ್ಲಿ ಒಂದೆರಡು ಖಬರುಗೇಡಿ ಮೋಡ ಸುಮ್ಮನೆ ರೆಕ್ಕೆಯೂ ಅಲುಗದೆ…
ನಡೆ ನೀನು‌ ನಡೆ!
ಭಾವ ಬಂಧನದ ಮೇರೆ ಮೀರಿ, ನೂರಾರು ಕನಸುಗಳ ಕೋಟೆ ದಾಟಿ, ಹೊರಟಿದೆ‌‌ ಪಯಣ, ಗಮ್ಯದ ಕಡೆ ಗಮನ! ಅಂತ್ಯವ…