ಕಣ್ಣ ಮುಂದೆ ನೀನು ಬಂದೆ ಮತ್ತು ಇನಿಯ ಓ ಇನಿಯ: ಕವನಗಳು

ಕಣ್ಣ ಮುಂದೆ ನೀನು ಬಂದೆ

ಕಣ್ಣ ಮುಂದೆ ನೀನು ಬಂದೆ

ನಿನ್ನ ಹಿಂದೆ ನಾನು ಬಂದೆ

ನನಗಾಗಿ ನೀನೇನು ತಂದೆ

ಜೀವವೇ ನಿನ್ನದು ಇನ್ನ್ಮುಂದೆ

ಕಣ್ಣ ಮುಂದೆ ನೀನು ಬಂದೆ ..

ಕಣ್ಣನೋಟದಲ್ಲೇ ಪ್ರಣಯ ಮೂಡುತಿದೆ

ಸಣ್ಣದನಿಯಲ್ಲೇ ಹೃದಯ ಹಾಡುತಿದೆ

ನಿನ್ನಕಿರುಬೆರಳಿಗೆ ಬೆಸುಗೆಯಾಗಲಿ ನನ್ನ ಬೆರಳು

ನನ್ನ ನೆರಳಿಗೂ ಜೊತೆಯಾಗಲಿ ನಿನ್ನ ನೆರಳು

ಕಣ್ಣ ಮುಂದೆ ನೀನು ಬಂದೆ ..

ಇನ್ನೂ ಸನಿಹ ಬರಬಹುದೇ ನಾನು

ಬಂದರೆ ಸುಮ್ಮನಿರಬಹುದೇ ನೀನು

ಸಿಹಿತುಟಿಗೆ ಮುತ್ತು ಕೊಡಬಹುದೇ ನಾನು

ಮುತ್ತು ಕೊಟ್ಟ ಮೇಲೆ ಉಳಿಯಬಹುದೇ ನೀನು!

 ಇನಿಯ ಓ ಇನಿಯ

ಇನಿಯ ಓ ಇನಿಯ

ನಿನದೇ ಈ ಹೃದಯ

ಬಂದು ನೀ ಸನಿಹ

ಛೇಡಿಸು ಈ ವಿರಹ

ಒಂದೇ ಮಾತಲಿ ಹೇಳುವೆನು

ನೀನಿನ್ನೂ ನನ್ನವನು

ನಿನಗಾಗಿ ಕಾದಿರುವೆನು

ತರುವೆಯಾ ಕನಸೊಂದನು..

ಮನದ ಕಿರುತೆರೆ ನಾಯಕ ನೀನು

ಪ್ರೇಮಸ್ವರಕೆ ಹಾಡುವ ಗಾಯಕಿ ನಾನು

ಕಣ್ಣ ಮುಂದೆ ನೀನೊಮ್ಮೆ ಬರಬೇಕಿದೆ ಇನ್ನು

ನಿನ್ನ ನೋಡಿ ಮುಗುಳ್ನಗಬೇಕಿದೆ ನಾನು

Facebook ಕಾಮೆಂಟ್ಸ್