ಗೆಳತಿ

ಮನಸ್ಸಿನಲ್ಲಿರುವ ಸುಪ್ತ ಭಾವನೆಗಳನ್ನು

ನಿನ್ನಲ್ಲಿ ಭಿನ್ನವಿಸಿಕೊಳ್ಳಲೇ ನಾನು?

ಏನೋ ಹೇಳಬೇಕೆನಿಸಿದರೂ ಹೇಳಲಾಗದೆ

ತೊಳಲಾಡುತ್ತಿರುವೆಯಾ ನೀನು?

ಪ್ರೀತಿ-ಪ್ರೇಮದ ಸುಖದ ಬಂಧನಕ್ಕೊಳಪಟ್ಟು

ಗತಿಸಿ ಹೋದದ್ದಕ್ಕೆ ಕೊರಗುತ್ತಿರುವೆಯಾ ನೀನು?

ಗೆಳತಿ, ಕೊರಗೇತಕೆ? ನಿನ್ನನ್ನು

ಕಣ್ಣಲ್ಲಿ ಕಣ್ಣಿಟ್ಟು ಕಾಯುತ್ತಿಲ್ಲವೇ ನಾನು?

ಹುಟ್ಟು-ಸಾವಿನ ನಡುವೆ ನೋವು ನಲಿವುಗಳು

ಬಾಳ ಪಯಣದ ಎರಡು ಚಕ್ರಗಳು

ಪ್ರೇಮಕ್ಕೆ ಬೆನ್ನುಕೊಡದೆ, ಸೋಲರಿಯದೆ

ಅರಸೋಣ ಪ್ರೀತಿಯಲಿ ಸುಖದ ಬಾಳು

ಬಾ ಗೆಳತಿ.. ನಗುನಗುತಾ ಓಡಿ ಬಾ..

ಜೊತೆಯಲ್ಲಿ ಬದುಕೋಣ ನಾನು-ನೀನು.

ಕ್ಷೀರಸಾಗರದ ಪ್ರೀತಿಯಲಿ ಪ್ರಾಣವನೆ ಪಣಕಿಟ್ಟು

ಬದುಕಿದರೆ ಕ್ಷಣ-ಕ್ಷಣವು ಹಾಲು-ಜೇನು.

Facebook ಕಾಮೆಂಟ್ಸ್

Tags: poem

Shri Krishna P I: B.E, MBA. Interests in Photography, writing, riding and trekking.

ಗೆದ್ದಲು
ಚಿಗುರುವುದನ್ನೇ ಮರೆತ ಬೋಳುಮರ ಹೂವು ಹಣ್ಣು ತಳೆದು ಹಕ್ಕಿಗಳ ಹೊಟ್ಟೆ ತಣಿಸಿ ಎಷ್ಟು ಯುಗವಾಯ್ತು ಕಾದಿರುವೆ ಹಗಲಿರುಳು ಬೇರುಗಳ ನೆನೆಸಿ…
ಅದೊಂದು ದಿನ
ಅದೊಂದು ದಿನ- ಅಂದೂ ತೊಳೆದಿಟ್ಟ ಹಾಗೆ ಆಕಾಶ ಅಥವಾ ಅಲ್ಲಿ ಇಲ್ಲಿ ಒಂದೆರಡು ಖಬರುಗೇಡಿ ಮೋಡ ಸುಮ್ಮನೆ ರೆಕ್ಕೆಯೂ ಅಲುಗದೆ…
ನಡೆ ನೀನು‌ ನಡೆ!
ಭಾವ ಬಂಧನದ ಮೇರೆ ಮೀರಿ, ನೂರಾರು ಕನಸುಗಳ ಕೋಟೆ ದಾಟಿ, ಹೊರಟಿದೆ‌‌ ಪಯಣ, ಗಮ್ಯದ ಕಡೆ ಗಮನ! ಅಂತ್ಯವ…