ಅಭಿವೃದ್ಧಿಯ ಹೆಗ್ಗಳಿಕೆ – ಪಳೆಯುಳಿಕೆ

ಮನುಜ ಏಳಿಗೆಯ ಹೆಗ್ಗಳಿಕೆ

ಗಿರಿಕಾನನ ನದಿನೆಲ ಕಬಳಿಕೆ

ಮರಕಡಿದು ಮಾಡು ಬತ್ತಳಿಕೆ

ಹೊಳೆಹರಿವು ಉಸುಕಿನ ಸವಕಳಿಕೆ

ಇರಿದು ಮೃಗ ಸಂತತಿಯ ಇಳಿಕೆ

ನೆಲಮಾಡಿ ನೀ ಸಮತಟ್ಟು

ವಸತಿ-ವ್ಯಾಪಾರ ನೀ ಕಟ್ಟು

ಮಾನುಷ-ಆವಾಸ ದುಪ್ಪಟ್ಟು

ಕಾರ್ಖಾನೆ-ಯಂತ್ರ ಇನ್ನಷ್ಟು

ಕೊಳಕು-ಮಾಲಿನ್ಯ ಮತ್ತಷ್ಟು

ಅಭಿವೃದ್ಧಿ ನೆಪದ ದಬ್ಬಾಳಿಕೆ

ರದ್ಧಿ ಯೋಜನೆಗಳ ಮರುಕಳಿಕೆ

ಆಯೋಗಗಳ ಸುಳ್ಳಿನ ಪ್ರಣಾಳಿಕೆ

ಪರಿಸರ ಶೋಷಣೆಯ ನಡವಳಿಕೆ

ವೃಥಾ ವ್ಯಯ ಕೋಶದ ಗಳಿಕೆ

ವಿಕಾಸ ಬಯಸುವುದು ಸರಿಯೆ!

ಸಂಪನ್ಮೂಲ ದುರ್ಬಳಕೆ ತರವೆ?

ಬಳಸಿ-ಬಿಸಾಡು ಸಂಸ್ಕೃತಿ ಬೇಕೆ?

ಮರುಬಳಕೆ ಇರಲಿ ಒತ್ತೊಟ್ಟಿಗೆ!

ಸ್ವದೇಶಿ-ಸಾವಯವ ಜೊತೆ ಜೊತೆಗೆ!

ಪ್ರಕೃತಿಯೊಟ್ಟಿಗಿನ ಸಹಬಾಳ್ವಿಕೆ

ಅಚಾತುರ್ಯ ತಪ್ಪು ನಡೆಯ ಅರೆವಳಿಕೆ

ನಿಸರ್ಗ ಪ್ರಕೋಪ-ವಿಕೋಪದ ತೆಗಳಿಕೆ

ಮಾನವ ಸೃಷ್ಟಿ ವಿನಾಶದ ಬಿಕ್ಕಳಿಕೆ

ಶೇಷ ಅದುವೇ ಬರಿಯ ಪಳೆಯುಳಿಕೆ

Facebook ಕಾಮೆಂಟ್ಸ್

Guest Author: Joining hands in the journey of Readoo.in, the guest authors will render you stories on anything under the sun.

ಗೆದ್ದಲು
ಚಿಗುರುವುದನ್ನೇ ಮರೆತ ಬೋಳುಮರ ಹೂವು ಹಣ್ಣು ತಳೆದು ಹಕ್ಕಿಗಳ ಹೊಟ್ಟೆ ತಣಿಸಿ ಎಷ್ಟು ಯುಗವಾಯ್ತು ಕಾದಿರುವೆ ಹಗಲಿರುಳು ಬೇರುಗಳ ನೆನೆಸಿ…
ಅದೊಂದು ದಿನ
ಅದೊಂದು ದಿನ- ಅಂದೂ ತೊಳೆದಿಟ್ಟ ಹಾಗೆ ಆಕಾಶ ಅಥವಾ ಅಲ್ಲಿ ಇಲ್ಲಿ ಒಂದೆರಡು ಖಬರುಗೇಡಿ ಮೋಡ ಸುಮ್ಮನೆ ರೆಕ್ಕೆಯೂ ಅಲುಗದೆ…
ನಡೆ ನೀನು‌ ನಡೆ!
ಭಾವ ಬಂಧನದ ಮೇರೆ ಮೀರಿ, ನೂರಾರು ಕನಸುಗಳ ಕೋಟೆ ದಾಟಿ, ಹೊರಟಿದೆ‌‌ ಪಯಣ, ಗಮ್ಯದ ಕಡೆ ಗಮನ! ಅಂತ್ಯವ…