ರಾಣಿ ??

ನಾನಿಲ್ಲಿ ರಾಣಿ,

ನನ್ನಂತೆ ನಡೆವರು ಎಲ್ಲ,

ನನಗಾವ ನಿಯಮವಿಲ್ಲ!

ಮುಂಜಾನೆ ಮಂಜಲ್ಲಿ

ಹಸಿರೆಲೆ ಮೇಲೆ ವಿಶ್ರಮಿಸುವ ಇಬ್ಬನಿ ನಾ,

ಸ್ವಚ್ಚಂದ ಆಕಾಶದಲ್ಲಿ

ಊರಗಲದ ರೆಕ್ಕೆ ಕಟ್ಟಿ ಹಾರುವ ಹಕ್ಕಿ ನಾ,

ಕಡಲಿನೊಡಲಿನಲ್ಲಿ

ಬೆಚ್ಚನೆ ಚಿಪ್ಪಲ್ಲಿ ಕಣ್ಮುಚ್ಚಿರುವ ಮುತ್ತು ನಾ..

ನವಿಲಂತೆ ನರ್ತಿಸಿದೆ, ಕೋಗಿಲೆಯಂತೆ ಹಾಡಿದೆ,

ಮಿಂಚಂತೆ ಮಿನುಗಿದೆ, ಮೀನಂತೆ ಈಜಿದೆ!

ಕೇದಿಗೆಯ ಕಂಪು, ಕೊಳಲಿನ ಇಂಪು,

ನೆರಳಿನ ತಂಪು ,ನಾನೇ ಎಲ್ಲ!!

ಆ ಸಂಪಿಗೆ ಮರ, ತರಗೆಲೆಯ ಚರ ಚರ,

ಎಲ್ಲೆಲ್ಲೂ ನಾನು…

ನನ್ನ ಕೊಲ್ಲಲ್ಲು ಬಂದವನು ನೀನು!

ಗಾಳಿಯಾಗಿ ಉಯ್ಯಾಲೆ ತೂಗಿದೆ,

ಅಲೆಯಾಗಿ ದೋಣಿ ತೇಲಿಸಿದೆ,

ಮಳೆಯಾಗಿ ಬೆಳೆಗೆ ನೀರುಣಿಸಿದೆ,

ಜ್ಯೋತಿಯಾಗಿ ಬೆಳಕ ನೀಡಿದೆ,

ಕಲ್ಲಾಗಿ ಮರಳಾಗಿ ಮನೆಯಾದೆ!

ಆದರೆ ನೀ ಎನ್ನ ಹಿಂಸಿಸಿದೆ…

ನಿಯಮ ಹೇರಿದೆ,

ಕತ್ತನ್ನು ಹಿಸುಕಿದೆ,

ಉಸಿರಾಡಲಾರೆ ಈಗ;

ರೆಕ್ಕೆ ಹರಡಲಾರೆ…

ನಾನೆಲ್ಲಿಯ ರಾಣಿ?

ನನ್ನೊಡತನವಿನ್ನು ಕಲ್ಪನೆಯಲ್ಲಿ !

Facebook ಕಾಮೆಂಟ್ಸ್

Guest Author: Joining hands in the journey of Readoo.in, the guest authors will render you stories on anything under the sun.

ಗೆದ್ದಲು
ಚಿಗುರುವುದನ್ನೇ ಮರೆತ ಬೋಳುಮರ ಹೂವು ಹಣ್ಣು ತಳೆದು ಹಕ್ಕಿಗಳ ಹೊಟ್ಟೆ ತಣಿಸಿ ಎಷ್ಟು ಯುಗವಾಯ್ತು ಕಾದಿರುವೆ ಹಗಲಿರುಳು ಬೇರುಗಳ ನೆನೆಸಿ…
ಅದೊಂದು ದಿನ
ಅದೊಂದು ದಿನ- ಅಂದೂ ತೊಳೆದಿಟ್ಟ ಹಾಗೆ ಆಕಾಶ ಅಥವಾ ಅಲ್ಲಿ ಇಲ್ಲಿ ಒಂದೆರಡು ಖಬರುಗೇಡಿ ಮೋಡ ಸುಮ್ಮನೆ ರೆಕ್ಕೆಯೂ ಅಲುಗದೆ…
ನಡೆ ನೀನು‌ ನಡೆ!
ಭಾವ ಬಂಧನದ ಮೇರೆ ಮೀರಿ, ನೂರಾರು ಕನಸುಗಳ ಕೋಟೆ ದಾಟಿ, ಹೊರಟಿದೆ‌‌ ಪಯಣ, ಗಮ್ಯದ ಕಡೆ ಗಮನ! ಅಂತ್ಯವ…