ಹನಿಗವನಗಳು – ಮೌನ

ನಿಶೆಯೆಲ್ಲಿ

ಜಗ ಮಲಗಿದೆ

ಮೌನದ ಭುಗಿಲೆದ್ದಿದೆ

ಶಬ್ಧ ಕೇಳಿಸದು

ಯಾಕೆ? ಅದು ಮೌನ

***

ಮೌನದ ಬಾಗಿಲಲ್ಲಿ

ಶಬ್ಧಗಳ ತೋರಣ

ಇಲ್ಲವಾದಲ್ಲಿ

ಮೌನಕೆ ಬಾಗಿಲಿಲ್ಲ.

***

ಮೌನ ಪುಟದಲಿ

ಮೊದಲ ಪದ ಮೌನ,

ಇಲ್ಲಿ ಭಾವನೆ ಮೌನ,

ಇಲ್ಲಿ ಕಲ್ಪನೆ ಮೌನ

ಕನಸುಗಳು ಮೌನ

ನೆನಪುಗಳೂ ಮೌನ

***

ಆಶುಭಾಷಣಕಾರನಿಗೆ

ವಿಷಯ ‘ಮೌನ’ವಾಗಿತ್ತು

ಭಾಷಣ ದೀರ್ಘವಾಗಿ ಸಾಗಿತ್ತು

ಮೌನ ಮರೆಯಾಗುವಂತೆ

***

ಮಾತು, ಪದಗಳ ನಡುವಿನ ಮೌನ

ಭಾವನೆಗಳ ಒಳಪುಟ

ಮಾತುಬಾರದವನಿಗೆ

ಮೌನವೇ ಭಾಷೆ

***

ಖಾಲಿ ಪುಟದಲಿ

ಮೌನವಿದೆ

ಅಮಿತ ಪದಗಳಿವೆ

ಶಬ್ಧವಿಲ್ಲ

***

ಮೌನದಲಿ

ಸೂರ್ಯ-ಚಂದ್ರರುದಯಾಸ್ತವಾಗಿದೆ

ಗಿಡ-ಮರಗಳಲಿ ಹೂ-ಹಣ್ಣುಗಳಾಗಿವೆ

ದೀಪ ಉರಿದಿದೆ

ಮಂಜು ಕರಗಿದೆ

ಭೂಮಿ ತನ್ನೊಡನೆ ಸೂರ್ಯನ ಸುತ್ತಿದೆ

***

ಉಷಾ ಧರೆಗಿಳಿದಿದ್ದಾಳೆ

ಈಗ ಮೌನ ಮಲಗಿದೆ

ಶಬ್ಧಗಳ ಭುಗಿಲೆದ್ದಿದೆ

ಇಲ್ಲಿ ಯಾವುದೋ ಮೂಲೆಯೆಲ್ಲಿ

ಮೌನದ ಸೆಲೆಯಿದೆ.

-ವಿಷ್ಣು ಭಟ್ಟ ಹೊಸ್ಮನೆ.

Facebook ಕಾಮೆಂಟ್ಸ್