ಜಾತ್ರೆಗೊಂದಿಷ್ಟು ಹನಿಗಳು..

ಜಾತ್ರೆಗೊಂದಿಷ್ಟು ಹನಿಗಳು..
ಊರ ಜಾತ್ರೆಯಲಿ
ಬಳೆಯಂಗಡಿಯಲಿ
ಚೌಕಾಶಿ ಮಾಡುತ್ತಾ
ನನ್ನ ನಿಲ್ಲು ಅಂದಿದ್ದು..
ನಿನ್ನ ವಾರೆನೋಟವೇ ..
ಅದೊಂದು ನೋಟದಲ್ಲಿ
ಬಳೆ ಕೊಂಡು ಬಿಟ್ಟು
ಬರುವಷ್ಟು..
ಮರೆವಿದೆಯಾ.!!

****

ನಾ ಮುಂಗುರುಳು
ಸರಿಸಿ ನಕ್ಕಿದ್ದು…
ಯಾಕೆಂದುಕೊಂಡೆ..
ನೀ ಸನಿಹ ನಿಂತಿದ್ದು ಕಂಡೇ..!

****

ಅಷ್ಟು ಹುಡುಗರ ನಡುವೆ..
ನೀನ್ಯಾಕೋ ವಿಶೇಷ..
ಏನೋ ಜಾದೂ ಇದೆ..
ನಿನ್ನದೊಂದು ನೋಟದಲಿ..
ಉಳಿದೆಲ್ಲ ಶೇಷ.‌

****

ಜಾತ್ರೆಯೊಂದು ನೆಪ ಅಷ್ಟೇ..
ಹುಡುಗಾ ನಿನ್ಮುಂದೆ
ನೀ ಕೊಡಿಸಿದ ಸೀರೆ..
ಮಲ್ಲಿಗೆ ಘಮಗಳ
ಮೆರವಣಿಗೆಯಾಗಬೇಕಿತ್ತಷ್ಟೇ..!

****

ತೇರು ನೋಡುವುದಕ್ಕಿಂತ
ಅವನನ್ನೇ
ಕಣ್ಸನ್ನೆಯಲಿ ಮಾತಾಡಿಸಿದ
ಹುಡುಗಿ ತುಸು ಮೌನಿ..
ಹುಡುಗ ನಕ್ಕನಷ್ಟೇ..
ಅಲ್ಲಿಂದಾರಂಭ
ಜಾತ್ರೆಯ “ಪ್ರೇಮ್ ಕಹಾನಿ”

****

Facebook ಕಾಮೆಂಟ್ಸ್

ನೈಸರ್ಗಿಕ ಸೌಂದರ್ಯದ ತಾಣ ನಮ್ಮ ಭಾರತ »

« ಮರಳು -೨

Mamatha Channappa: ಬದುಕೆಂಬ ರೈಲಿನಲ್ಲಿ ಜೀವನಾನುಭವದ ದೊಡ್ಡ ಮೂಟೆಯನ್ನು ಹೊತ್ತು ನಡೆದಿರುವ ಪುಟ್ಟ ಪಯಣಿಗಳು ನಾನು.. ಕಾಕತಾಳೀಯವೆಂಬಂತೆ ರೈಲ್ವೆ ಇಲಾಖೆಯಲ್ಲೆ ಕೆಲಸಮಾಡುತ್ತ ಬದುಕು ಎಸೆದ ಪಂಥಗಳನ್ನು ಎದುರಿಸುತ್ತ ಸಾಗಿದ್ದೇನೆ. ಆ ಹಾದಿಯಲ್ಲಿ ಜೊತೆಗಾರರಾಗಿ ಸಾಥ್ ಕೊಟ್ಟ ಹವ್ಯಾಸಗಳು ಗೀಳುಗಳಾಗಿ ಆಗಾಗ ಪದಗಳಾಗಿಯೋ, ಕುಶಲ ಕಲೆಯ ರೂಪದಲ್ಲೋ, ಕುಂಚದಿಂದ ಹೊಮ್ಮಿದ ಚಿತ್ರವಾಗಿಯೋ ಅನಾವರಣವಾಗುತ್ತವೆ - ನೋವು, ನಲಿವುಗಳೆಲ್ಲದರ ಅಭಿವ್ಯಕ್ತಿಯಾಗುತ್ತವೆ.ಇದಕ್ಕಿಂತ ಹೆಚ್ಚು ಹೇಳಲೇನೂ ಇಲ್ಲ ; ಇದ್ದರು ಅವು ಅಭಿವ್ಯಕ್ತವಾಗುವುದು ಬರಹದಲ್ಲಿ ಭಾವನೆಗಳಾಗಿ...

ಗೆದ್ದಲು
ಚಿಗುರುವುದನ್ನೇ ಮರೆತ ಬೋಳುಮರ ಹೂವು ಹಣ್ಣು ತಳೆದು ಹಕ್ಕಿಗಳ ಹೊಟ್ಟೆ ತಣಿಸಿ ಎಷ್ಟು ಯುಗವಾಯ್ತು ಕಾದಿರುವೆ ಹಗಲಿರುಳು ಬೇರುಗಳ ನೆನೆಸಿ…
ಅದೊಂದು ದಿನ
ಅದೊಂದು ದಿನ- ಅಂದೂ ತೊಳೆದಿಟ್ಟ ಹಾಗೆ ಆಕಾಶ ಅಥವಾ ಅಲ್ಲಿ ಇಲ್ಲಿ ಒಂದೆರಡು ಖಬರುಗೇಡಿ ಮೋಡ ಸುಮ್ಮನೆ ರೆಕ್ಕೆಯೂ ಅಲುಗದೆ…
ನಡೆ ನೀನು‌ ನಡೆ!
ಭಾವ ಬಂಧನದ ಮೇರೆ ಮೀರಿ, ನೂರಾರು ಕನಸುಗಳ ಕೋಟೆ ದಾಟಿ, ಹೊರಟಿದೆ‌‌ ಪಯಣ, ಗಮ್ಯದ ಕಡೆ ಗಮನ! ಅಂತ್ಯವ…

Disclaimer