ತಂತ್ರಜ್ಞೆ ಮಂತ್ರಜ್ಞೆ ಗೌರಿ

ತಾಯಿ ಗೌರಿ ತಂತ್ರಜ್ಞೆ

ಅದ್ಭುತ ಮಂತ್ರಜ್ಞೆ

ತಂತ್ರ ಮಂತ್ರ ಯಂತ್ರ ಜತೆ

ಕೂಡಿಸಲದೆ ಗಣಪತಿಯಾಯ್ತೆ ||

ಶಕ್ತಿಯವಳು ಶಿವನ ಸತಿ

ಅದ್ಭುತ ಕಲಾಕೃತಿ

ಮೈ ಬೆವರು ಅರಿಶಿನ ಕೊಳೆ

ಕಸದಿಂದ ರಸ ಬಾಲನಾದ ಕಲೆ ||

ಉಮೆಯವಳು ಅಭಿಯಂತೆ

ಜೀವಕೆ ನೀರ್ಜಿವ ಬೆರೆತೆ

ಸೃಜಿಸಿರಬೇಕು ದೇವ ಜೀವಿಯ

ಮಗನ ಹೆಸರಲಿ ತಾಂತ್ರಿಕ ವಿಜಯ ||

ಅಲೆಮಾರಿ ಪರಶಿವನಾತ

ಗೌರಮ್ಮನಿಗೆ ಏಕಾಂತ

ಬೇಸರ ಕಳೆಯೆ ಮಜ್ಜನ ಪೂರ

ಶಕ್ತಾಯುಧದ ಜತೆಗೆ ಕಾವಲುಗಾರ ||

ಮಿಕ್ಕಿದ್ದೆಲ್ಲ ಪುರಾಣದ ಕದನ

ಪಾತ್ರಕೆ ದಕ್ಕಿ ಗಜವದನ

ಮಾತ್ರನಲ್ಲ ನೆಪ ಸಕಲಾದಿ ವಂದ್ಯ

ಮೂರೇ ಸುತ್ತಲಿ ಗೆದ್ದ ಸೋದರ ಪಂದ್ಯ ||

ಸ್ವರ್ಣಗೌರಿ ವೀರ ಧೀರ ವನಿತೆ

ಗಣಪನ ಜತೆ ಪೂಜಿಸುತೆ

ಸ್ಮರಿಸುತ ಬೆರಗಲಿ ಜಗ ನಮನ

ಅರಿಯಲಾಗದೆಯೂ ಶಕ್ತಿ ವಿಜ್ಞಾನ ||

ತಾಯಿ ಮುಂದೆ ಮಗ ಹಿಂದೆ

ಹೊರಟ ಪರಿಷೆ ಕಣ್ಮುಂದೆ

ಸಾಲು ಸಾಲಲಿ ಭಕ್ತರ ಮಂದೆ

ಸುಕೃತಿ ಬೇಡಿ ಶರಣಾಗಿವೆ ಬುಡದೆ ||

Facebook ಕಾಮೆಂಟ್ಸ್