ಸತ್ಯದ ಡಮರುಗ

ಸತ್ಯದ ಡಮರುಗ ಬಡಿಯುವ ಜಂಗಮ,
ನಡೆದಿಹ ಮಸಣದ ಓಣಿಯೊಳು!
ಜೀವವೆ ಇಲ್ಲದ ದೇಹಕೆ ಮಾಡುತ,
ಬೆಳಕಿನ ಪಾಠ ಇರುಳಿನೊಳು..!

ಸುಳ್ಳಿನ ಸಾವಿಗೆ ಮೋಕ್ಷವ ನೀಡಿ,
ಮಸಣವ ಮಂದಿರವಾಗಿಸುತ,
ಢಂ!ಢಂ!ಘಂಟೆಯಿಂ ಬಡಿದೆಬ್ಬಿಸುತ,
ಪ್ರತಿಮಿಸಿ ಸತ್ಯವ ಗರ್ಭದೊಳು!

ಮೋಸಗಳೆಲ್ಲವೂ ಮುಳ್ಳುಗಳು,
ಮೋಹವೆ ಗಾಜಿನ ಚೂರುಗಳು!
ಪಾದಕೆ ಪ್ರೇಮದ ರಕ್ಷೆಯ ಧರಿಸಿ,
ಗುಡಿಸಿಹ ಕೆಡುಕಿನ ಕುರುಹುಗಳು!

ಡಮರುಗಕೆ ಹಿನ್ನೆಲೆ ಖಗಪುಂಜದ ಕಲರವ‌,
ಸುಶ್ರಾವ್ಯ ಹಾಡಾಗಿಸಿ ಈ ಮಸಣಮೌನವ!
ಶಾಂತಿಯ ರಾಗಕೆ ಸಂತಸದ ನರ್ತನ
ಸತ್ಯದ ಸದ್ದಿಗೆ ಜಗ ಬೃಂದಾವನ!

ಪುನಃ ಪುನಃ ಜನಿಸುವನು ಜಂಗಮ,
ರುದ್ರಭೂಮಿಯ ಮಧ್ಯದೊಳು!
ತನ್ನ ತಾಂಡವದಿಂ ಜಗವ ಮೈಮರೆಸಿ,
ಹಂಚುವ ಪ್ರೇಮವ ಎಲ್ಲರೊಳು!

Facebook ಕಾಮೆಂಟ್ಸ್

Guest Author: Joining hands in the journey of Readoo.in, the guest authors will render you stories on anything under the sun.

ಗೆದ್ದಲು
ಚಿಗುರುವುದನ್ನೇ ಮರೆತ ಬೋಳುಮರ ಹೂವು ಹಣ್ಣು ತಳೆದು ಹಕ್ಕಿಗಳ ಹೊಟ್ಟೆ ತಣಿಸಿ ಎಷ್ಟು ಯುಗವಾಯ್ತು ಕಾದಿರುವೆ ಹಗಲಿರುಳು ಬೇರುಗಳ ನೆನೆಸಿ…
ಅದೊಂದು ದಿನ
ಅದೊಂದು ದಿನ- ಅಂದೂ ತೊಳೆದಿಟ್ಟ ಹಾಗೆ ಆಕಾಶ ಅಥವಾ ಅಲ್ಲಿ ಇಲ್ಲಿ ಒಂದೆರಡು ಖಬರುಗೇಡಿ ಮೋಡ ಸುಮ್ಮನೆ ರೆಕ್ಕೆಯೂ ಅಲುಗದೆ…
ನಡೆ ನೀನು‌ ನಡೆ!
ಭಾವ ಬಂಧನದ ಮೇರೆ ಮೀರಿ, ನೂರಾರು ಕನಸುಗಳ ಕೋಟೆ ದಾಟಿ, ಹೊರಟಿದೆ‌‌ ಪಯಣ, ಗಮ್ಯದ ಕಡೆ ಗಮನ! ಅಂತ್ಯವ…