ಶಿಲೆಯಾದಳವಳು

-ಅಂದು-

ಜನುಮದ ಪ್ರೀತಿಯನ್ನೆಲ್ಲ

ಅಮೃತವನ್ನಾಗಿಸುತ್ತಿದ್ದಳು

ಮಮತೆಯನ್ನೆಲ್ಲ ಎದೆಯಲ್ಲಿ

ಹಾಲಾಗಿ ಬಚ್ಚಿಡುತ್ತಿದ್ದಳು||

ಎದೆಯಲ್ಲುಕ್ಕುವ ಹಾಲ

ಮನತಣಿಯೇ ಕುಡಿಸುತ್ತಿದ್ದಳು

ಬೆಚ್ಚಗಿನ ಅಪ್ಪುಗೆಯಿತ್ತು

ಮನಸಾರೆ ಮುದ್ದುಗರೆಯುತ್ತಿದ್ದಳು||

ನಕ್ಷತ್ರ ತಾರೆಗಳ ಬಳಿ ಕರೆದು

ಹೊಟ್ಟೆತುಂಬಿ ಉಣಿಸುತ್ತಿದ್ದಳು

ಚಂದಮಾಮ ಕಥೆ ಹೇಳಿ

ಚೆಂದನಿದ್ದೆ ಬರಸುತ್ತಿದ್ದಳು||

ನನ್ನ ಹೆತ್ತ ಮರುಕ್ಷಣದಿಂದ

ನೋವನುಣ್ಣುತಿದ್ದಳಾಕೆ

ಹೆರಿಗೆ ನೋವ ಸಹಿಸದೇ

ತೆರಿಗೆ ಕಟ್ಟುತ್ತಿದ್ದಳಾಕೆ||

ಸುಂಕದವ ಕರೆದವನೆಂದು

ಅಲ್ಲಿಗೇ ತೆರಳಿದಳಾಕೆ

ಮತ್ತೆ ಬರುವೆನೆಂದು ಮುತ್ತಿಟ್ಟು

ಶಿಲೆಯಾಗಿ ಚಿರನಿದ್ರೆಗೆ ಜಾರಿದಳಾಕೆ||

-ಇಂದು-

ಪ್ರೀತಿ ಸುರಿದು ನನ್ನನ್ನೆತ್ತಿ

ಮುದ್ದು ಮಾಡೋ ಕೈಗಳಿಲ್ಲ

ಅಮಲು ಬರಿಸೋ ಅಮೃತದ

ಎದೆಹಾಲು ಉಣಲಿಲ್ಲ||

ಶಿಲೆಯಾದವಳು ಎದ್ದು ಬಂದಾಳು

ಎದುರುನೋಡುತ್ತಿರುವೆ ನಾನು

ಸುಂಕಕೊಟ್ಟು ಮರಳಿ ಬಂದಾಳು

ಕಾಯುತ್ತಿರುವೆ ನಾನು||

Facebook ಕಾಮೆಂಟ್ಸ್

Guest Author: Joining hands in the journey of Readoo.in, the guest authors will render you stories on anything under the sun.

ಗೆದ್ದಲು
ಚಿಗುರುವುದನ್ನೇ ಮರೆತ ಬೋಳುಮರ ಹೂವು ಹಣ್ಣು ತಳೆದು ಹಕ್ಕಿಗಳ ಹೊಟ್ಟೆ ತಣಿಸಿ ಎಷ್ಟು ಯುಗವಾಯ್ತು ಕಾದಿರುವೆ ಹಗಲಿರುಳು ಬೇರುಗಳ ನೆನೆಸಿ…
ಅದೊಂದು ದಿನ
ಅದೊಂದು ದಿನ- ಅಂದೂ ತೊಳೆದಿಟ್ಟ ಹಾಗೆ ಆಕಾಶ ಅಥವಾ ಅಲ್ಲಿ ಇಲ್ಲಿ ಒಂದೆರಡು ಖಬರುಗೇಡಿ ಮೋಡ ಸುಮ್ಮನೆ ರೆಕ್ಕೆಯೂ ಅಲುಗದೆ…
ನಡೆ ನೀನು‌ ನಡೆ!
ಭಾವ ಬಂಧನದ ಮೇರೆ ಮೀರಿ, ನೂರಾರು ಕನಸುಗಳ ಕೋಟೆ ದಾಟಿ, ಹೊರಟಿದೆ‌‌ ಪಯಣ, ಗಮ್ಯದ ಕಡೆ ಗಮನ! ಅಂತ್ಯವ…