ನನ್ನ ನೋವು ನನ್ನ ನಲಿವು

ಹೂಬನದಲಿ ನಲಿಯಲಾಗದೆ ಮನಬಂದಲ್ಲಿ ನಿಲ್ಲಲಾರದೆ

ಹಕ್ಕಿಗಳಂತೆ ಹಾರಲಾರದೆ ಎಲ್ಲರಿಂದ ತಾತ್ಸಾರಕ್ಕೊಳಗಾದೆ ನಾನು

ಹೀಗೇಕೆ ನನ್ನನ್ನು ಸೃಷ್ಠಿಸಿದೆ ನೀನು?

ಹರಿವ ನೀರಲ್ಲಿ ಬಣ್ಣದ ಮೀನುಗಳು ನೀಲಿಯಾಗಸದಲಿ ಬಿಳಿಯಾದ ಮೋಡಗಳು

ಬೆಳಕ ಹೊನಲಲ್ಲಿ ನಗುವ ಹೂವುಗಳು ಎಲ್ಲವೂ ಸುಂದರ ಎಲ್ಲವು ವರ್ಣಮಯ

ನಾನೇಕೆ ಹೀಗೆ? ಮೈಯೇಕೆ ಬರಿದೆ ಮುಳ್ಳುಗಳ ಹೊದಿಕೆ?

ಕನ್ನಡಿಯ ಬಿಂಬವೋ . ನನಗೇ ಬೇಸರದ ಪ್ರತಿಬಿಂಬವೋ ..?

ಸೃಷ್ಠಿಕರ್ತ ನೀನಂತೆ ಎಲ್ಲರಿಗೂ ಬಯಸುವೆ ಹಿತವಂತೆ ..

ನಂಗೇನೋ ನಂಬಿಕೆಯಿಲ್ಲಾ ನನ್ನ ಒಳಿತನ್ನು ನೋಡುವ ದಿನವಿಲ್ಲಾ ,

ನಾಳೆಯೇ ನನ್ನ ಕೊನೆ ದಿನ ಬದಲಿಸಲಾರೆ ನೀ ನನ್ನ ಬದುಕನ್ನ

ಕಣ್ಣು ಮುಚ್ಚಿದರೂ ಬಾರದ ನಿದ್ದೆ ಸಮಯ ಸರಿಯುತ್ತಿದೆ .. !

ಪ್ರಕೃತಿ ಬದಲಾಗುತ್ತಿದೆ… ಇದೇನಿದು …?

ಒಂದೊಂದಾಗಿ ಮೈಯ ಮುಳ್ಳುಗಳು ಬೀಳುತ್ತಿದೆ …

ನೋವು ಮರೆಯಾಗುತ್ತಿದೆ …

ಬಾನಂಚಿನ ಸೂರ್ಯ ನನ್ನತ್ತಲೇ ನೋಡಿ ನಗುತ್ತಿದ್ದಾನೆ

ಹೂರಾಶಿಯೂ ಸ್ನೇಹದ ನಗೆ ಬೀರುತ್ತಿದೆ

ನನ್ನ ನೋವುಗಳ ಸ್ನೇಹಿತ ಕನ್ನಡಿ

ಇಂದೇಕೋ ಮಾತನಾಡಿಸೆನ್ನತ್ತಿದ್ದಾನೆ

ದೇಹ ಹಗುರಾಗುತ್ತಿದೆ ಹಾರಬೇಕೆನಿಸುತ್ತಿದೆ ಮುಳ್ಳುಗಳು ಮರೆಯಾಗಿವೆ

ಕನ್ನಡಿಯಲ್ಲಿ ಕಾಣುತ್ತಿರುವುದು ನಾನೇ?

ಸುಂದರ ಬಣ್ಣಗಳ ರೆಕ್ಕೆಗಳು ನನ್ನವೇ?

ಮುಳ್ಳುಗಳ ರಾಶಿಯಂತಿದ್ದ ನಾನು ಇಂದೇನಾದೆ ?

ಸುಂದರ ಬದುಕನ್ನು ಕಾಣುವ ಚಿಟ್ಟೆಯಾದೆ

ಭೂಮಿಯ ಎಲ್ಲಾ ಜೀವಿಗಳಿಗೂ ಒಳಿತನ್ನು ಕೊಟ್ಟ

ದೇವರೇ ನೀ ನನ್ನ ತಂದೆಯಾದೆ …!

Facebook ಕಾಮೆಂಟ್ಸ್

Guest Author: Joining hands in the journey of Readoo.in, the guest authors will render you stories on anything under the sun.

ಗೆದ್ದಲು
ಚಿಗುರುವುದನ್ನೇ ಮರೆತ ಬೋಳುಮರ ಹೂವು ಹಣ್ಣು ತಳೆದು ಹಕ್ಕಿಗಳ ಹೊಟ್ಟೆ ತಣಿಸಿ ಎಷ್ಟು ಯುಗವಾಯ್ತು ಕಾದಿರುವೆ ಹಗಲಿರುಳು ಬೇರುಗಳ ನೆನೆಸಿ…
ಅದೊಂದು ದಿನ
ಅದೊಂದು ದಿನ- ಅಂದೂ ತೊಳೆದಿಟ್ಟ ಹಾಗೆ ಆಕಾಶ ಅಥವಾ ಅಲ್ಲಿ ಇಲ್ಲಿ ಒಂದೆರಡು ಖಬರುಗೇಡಿ ಮೋಡ ಸುಮ್ಮನೆ ರೆಕ್ಕೆಯೂ ಅಲುಗದೆ…
ನಡೆ ನೀನು‌ ನಡೆ!
ಭಾವ ಬಂಧನದ ಮೇರೆ ಮೀರಿ, ನೂರಾರು ಕನಸುಗಳ ಕೋಟೆ ದಾಟಿ, ಹೊರಟಿದೆ‌‌ ಪಯಣ, ಗಮ್ಯದ ಕಡೆ ಗಮನ! ಅಂತ್ಯವ…