ನಿರೀಕ್ಷೆ

ನೀಲಾಕಾಶದಿ ತೇಲುವ ಮೋಡವೆ
ಮೆಲ್ಲಗೆ ಚಲಿಸು ನೀನೀಗ
ಮಲ್ಲಿಗೆ ನಗುವಿನ ನನ್ನಯ ಗೆಳತಿಗೆ
ಓಲೆಯ ನೀ ಬೇಗ

ಚುಕ್ಕಿಯ ಚಂದಿರ ಬೆಚ್ಚನೆ ಹಾಸುಗೆ
ಮುದ ನೀಡದು ನನ್ನ ಮನಕೀಗ
ಸಂಚನು ಬೀರುವ ಮಿಂಚಿನ ಕಣ್ಣಿನ
ನೋಟದ ಚೆಲುವೆ ಬಾ ಬೇಗ

ಮನವಿದು ಮರುಗಿದೆ ತನುವಿದು ಸೊರಗಿದೆ
ಕಾಯುತ ನಿನ್ನಯ ಹಾದಿಯನು
ನನ್ನೀ ಉಸಿರಿನ ಕಣಕಣವೆಲ್ಲಾ
ಕಾದಿಹುದು ನಿನ್ನಯ ಬರವನ್ನು

ನಿನ್ನುಸಿರಿನ ತಂಗಾಳಿಯ ಲಾಲಿಯ
ಆಲಿಸೆ ಕಾತರನಾಗಿಹೆನು
ನಿನ್ನೆದೆ ವೀಣೆಯ ತಂತಿಯ ಮಿಡಿಸಿ
ಶ್ರುತಿ ಸೇರಿಸೆ ಆತುರನಾಗಿಹೆನು

ಕೇಳಿಸದೇನೇ… ಜೀವದ ಗೆಳತಿಗೆ
ನನ್ನೀ ಮನದ ಆವೇಗ..
ನಿನ್ನಾಗಮನದಿ ಸವಿನುಡಿಯಿಂದಲಿ
ಜೀವಕೆ ತಂಪನು ತಾ ಬೇಗ

Facebook ಕಾಮೆಂಟ್ಸ್

Guest Author: Joining hands in the journey of Readoo.in, the guest authors will render you stories on anything under the sun.

ಗೆದ್ದಲು
ಚಿಗುರುವುದನ್ನೇ ಮರೆತ ಬೋಳುಮರ ಹೂವು ಹಣ್ಣು ತಳೆದು ಹಕ್ಕಿಗಳ ಹೊಟ್ಟೆ ತಣಿಸಿ ಎಷ್ಟು ಯುಗವಾಯ್ತು ಕಾದಿರುವೆ ಹಗಲಿರುಳು ಬೇರುಗಳ ನೆನೆಸಿ…
ಅದೊಂದು ದಿನ
ಅದೊಂದು ದಿನ- ಅಂದೂ ತೊಳೆದಿಟ್ಟ ಹಾಗೆ ಆಕಾಶ ಅಥವಾ ಅಲ್ಲಿ ಇಲ್ಲಿ ಒಂದೆರಡು ಖಬರುಗೇಡಿ ಮೋಡ ಸುಮ್ಮನೆ ರೆಕ್ಕೆಯೂ ಅಲುಗದೆ…
ನಡೆ ನೀನು‌ ನಡೆ!
ಭಾವ ಬಂಧನದ ಮೇರೆ ಮೀರಿ, ನೂರಾರು ಕನಸುಗಳ ಕೋಟೆ ದಾಟಿ, ಹೊರಟಿದೆ‌‌ ಪಯಣ, ಗಮ್ಯದ ಕಡೆ ಗಮನ! ಅಂತ್ಯವ…