ಸೆಟ್ಟೇರಿತು ಚಿತ್ರ(ಣ)

ಇಷ್ಟೂದಿನ ತಿರುಗಿ ತಿಣುಕಿ
ಒಂದೊಂದೆ ಬಲೆಗೆ
ಅವರಿವರ ಸೆಳೆದು
ಒಳ ಸೇರಿಸಿ ಮೆಲ್ಲಗೆ
ಪುಸಲಾಯಿಸಿ
ಹೆಸರು ಹಣ ಗ್ಲಾಮರು
ಮೂಟೆ ಮೂಟೆ ತೋರಿಸಿ
ಅಂತೂ ಕಾಲ್ಷೀಟುಗಳ
ತಾರಮ್ಮಯ್ಯ ಬಗೆಹರಿಸಿ
ಒಟ್ಟಾಗಿಸಿ ಸೇರಿಸಿ
ನಿರ್ಮಾಪಕ ನಿರ್ದೇಶಕ
ನೆರೆದಲ್ಲರೂ ಒಬ್ಬರಬೆನ್ನೊಬ್ಬರು
ತಟ್ಟಿ ಪೋಸು ಕೊಡುವ ತರಾತುರಿ
ಕ್ಯಾಮರಾಗಳ ಕ್ಲಿಕ್ಕಿಗೆ
ಚದುರಿದ್ದವರು ಹತ್ತಿರ
ಸರಿ ಸರಿ ದೂರ

ನಾಯಕ ’ಸುರಾ” ಸುಂದರ
ಗತ್ತು ಗೈರತ್ತು; ನಾಯಕಿ
ಕಣ್ಣ ಅರಳಿಸುತ್ತ
ದಿರುಸು ಸರಿಸುತ್ತ ನಗೆ ಒಸರಿಸುತ್ತ
ಮತ್ತು ಕಮೆಡಿಯನ್ನು ಲೇಡಿ ವಿಲನ್ನು
ಸಪೋರ್ಟು ಕಲಾವಿದರು
ಸಂಗೀತ ಹಾಗೆ ಕೊರಿಯೊ
ಫ಼ೈಟು ಹಾಗೆ ಸ್ಟಂಟಿಗರು
ಜಮಾಯಿಸದರೀಗ
ಸುತ್ತ ಮುತ್ತ ಕ್ಯಾ-ಮರಾ

ಯಾರದು ನಿರ್
ಮಾಪಕ-ದೇಶಕರೆ
ಸಂಭಾಷಣೆ ಬರೆದವನೆಲ್ಲಿ
ಹಾಡು ಗೀಚಿದವನೆಲ್ಲಿ
ಮರೆತೇವು ಕತೆ ಇದೆಯೇನು
ಡಬ್ಬೇನು ಎಷ್ಟು
ಭಾಷೆಗಳಲ್ಲಿ ಚಿತ್ರ
ಕಾಯುತ್ತಿದ್ದಾರೆ ಪ್ರಶ್ನೆಗಳೊಂದಿಗರು
ಪತ್ರಕರ್ತರು

ತಮಿಳುತೆಲುಗನ್ನಡದಲ್ಲಿ
ಮಾಟ್ಲಾಡ್ತಿರುವನ್
ಬಂಡವಾಳ ಹೂಡಿದವನ್
ಕತೆಗಿತೆ ಇನ್ನೂ ಫ಼ೈಸಲಾಗಿಲ್ಲೈ
ಯಾಕಂಟೆ ಅದು ಕದ್ದದ್ದು ಅಂತ
ಆಯ್ತಲ್ಲ ಗಲಾಟಲು
ಅಸಲು ಹಾಲಿವುಡ್ ಸಂಗೀತಮೆ
ಗ್ಯಾರಂಟಿ ಯಾಕಂಟೆ ಅದರ
ತಂಟೆಗವರ್ ಬರುವುದಿಲ್ಲೈ!
ಗವಿತೆ ಬರೆಯಲು
ಕಿವಿಗಿಕ್ಕಿದ್ದೇವೆ ಗ(ಕ)ವಿಗೆ
ಕಾಗೆ ಕೂಗಿನ ಮಾದರಿ
ಕಂಗ್ಲೀಶ್ ಭಾಷಲೊ ಅವನ್ ವರೆವನು
ದೇಶಮಂಟ್ಲಾ ಛಪ್ಪನ್ನಾರು
ಭಾಷೆಲೊ ಚಿತ್ರಮು ವರುಮ್
ಅರಾ… ಕ್ಲಾಪ್ ಮಾಡಲು
ಕೂದಲಲ್ಲಿ ಮುಚ್ಚಿಹೋದ
ಮುಖದವನು ವಂದೇವಿಟ್ಟನ್

ಇದೀಗ ’ಗನ್ನಡ’ ಚಿತ್ರ ಸೆಟ್ಟೇರಿತು
ತಮಿಳರಿದ್ದಾರೆ ತೆಲುಗರಿದ್ದಾರೆ
ಪರಭಾಷಾಮೋಹಿ
ಕನ್ನಡಿಗರಿದ್ದಾರೆ !
ಪೂಜೆಯಾಯ್ತೆ?
ಫ಼್ಲಾಪಾಗಿ ತೋಪಾಗದು ಫ಼ಿಲ್ಮು
ಸರಿಸಿ ಕೂದಲ
ಹಿಡಿದ ಕ್ಲಾಪರ್ ಬೋರ್ಡು
ಕ್ಲಾಪ್ ಕ್ಲಾಪು
ಕ್ಲಿಕ್ ಕ್ಲಿಕ್ಕು

-ಅನಂತ ರಮೇಶ್